پاکستان کی سیکیورٹی فورسز نے افغان سرحد کے نزدیک مشتبہ خودکش حملے کا منصوبہ ناکام بنا دیا ہے۔ پاکستان کے سرکاری میڈیا کے مطابق خودکش دھماکے کا یہ مبینہ منصوبہ جنوبی وزیرستان ضلع میں بنایا گیا تھا۔
ہفتے کے روز سرکاری میڈیا نے رپورٹ کیا ہے کہ سیکیورٹی فورسز نے انٹیلی جنس بیسڈ کارروائی کرتے ہوئے اس سازش کوناکام بنا دیا۔ جس کےنتیجے میں ایک دہشت گرد ہلاک اور پانچ زخمی ہوگئے۔
تفصیلات میں بتایا گیا ہے خودکش حملے کو جنوبی وزیرستان کے قصبے وانا میں ناکام بنایا گیا۔ یہ قصبہ افغان سرحد کے متصل ہونے کی وجہ سے دہشت گردوں کی کارروائیوں کے لیے انتہائی اہم رہا ہے۔
افغانستان میں طالبان کی حکومت آنے کے بعد پاکستان کا صوبہ خیبر پختونخوا حالیہ کئی برسوں سے دہشت گردوں کے نشانے پر ہے۔ اس سلسلے میں ٹی ٹی پی کو سہولت و سرپرستی کرنے کا الزام پاکستان کی طرف سے طالبان حکومت پر لگایا جاتا ہے۔
خودکش حملے اس علاقے میں مسلسل دہشت گردی کا ذریعہ رہے ہیں۔ اسی ہفتے ایک خودکش حملہ بنوں میں پولیس سٹیشن پر کیا گیا ہے۔ جس میں 5 اہلکار زخمی ہو گئے تھے۔
تاہم اب وانا میں خودکش حملے کو ناکام بنا دیا گیا ہے۔ اس دھماکے کے لیے ایک بارود سے بھری گاڑی کو ٹکرایا جانا تھا ۔ یہ بات پی ٹی وی نے ہفتے کے روز سیکیورٹی ذرائع سے رپورٹ کی ہے۔ یوں بڑی تباہی کا منصوبہ ناکام ہو گیا۔ سویلین آبادی کو ہدف بنائے جانے کی سازش تیار کی گئی تھی مگر انٹیلی جنس انفارمیشن کی بنیاد پر سیکیورٹی حکام نے کارروائی کر دی۔ کسی سیکیورٹی اہلکار کے زخمی ہونے کا رپورٹ میں کوئی ذکر نہیں کیا گیا ہے۔
Leave a Reply