Category: قومی

شدید گرمی اور ہیٹ ویو کے بعد ملک کے مختلف علاقوں کے لیے بارشوں کی خوشخبری سامنے آگئی ہے۔

محکمہ موسمیات کے مطابق 11 جون سے مغربی ہواؤں کا ایک نیا سلسلہ ملک کے بالائی علاقوں میں داخل ہونے کا امکان ہے، جس کے زیر اثر 13 جون تک متعدد شہروں میں آندھی، جھکڑ اور گرج چمک کے ساتھ بارش متوقع ہے۔

محکمہ موسمیات کا کہنا ہے کہ وفاقی دارالحکومت اسلام آباد، مری، راولپنڈی، لاہور، فیصل آباد اور پنجاب کے دیگر شہروں میں بارش کا امکان ہے، جس سے شدید گرمی کی شدت میں کمی آنے کی توقع ہے۔ اسی طرح آزاد کشمیر کے مختلف علاقوں سمیت مظفرآباد اور راولاکوٹ میں بھی گرج چمک کے ساتھ بارش متوقع ہے۔

کراچی میں شدید گرمی، ہیٹ اسٹروک کا خطرہ بڑھ گیا، ماہرین نے علامات اور احتیاطی تدابیر بتا دیں

گلگت بلتستان کے علاقوں گلگت، ہنزہ، اسکردو اور گردونواح میں بارش کے ساتھ ژالہ باری کا بھی امکان ظاہر کیا گیا ہے، خیبرپختونخوا کے چترال، سوات، ایبٹ آباد، پشاور، مردان، کوہاٹ اوردیگراضلاع میں بھی آندھی اوربارش کی پیشگوئی کی گئی ہے۔

محکمہ موسمیات کے مطابق بعض مقامات پر موسلادھار بارش اور ژالہ باری سے معمولات زندگی متاثر ہو سکتے ہیں۔ بلوچستان کے ژوب، قلعہ سیف اللہ اور دیگر علاقوں میں بھی آندھی اور بارش متوقع ہے۔

دوسری جانب سندھ کے بالائی اضلاع سکھر، جیکب آباد، لاڑکانہ، گھوٹکی اور ملحقہ علاقوں میں گرد آلود ہوائیں چلنے کا امکان ظاہر کیا گیا ہے۔

محکمہ موسمیات نے خبردارکیا ہے کہ پنجاب کے بعض نشیبی علاقوں میں شدید بارشوں کے باعث پانی جمع ہونے اور مقامی سطح پراربن فلڈنگ کی صورتحال پیدا ہو سکتی ہے، لہٰذا متعلقہ ادارے پیشگی حفاظتی اقدامات یقینی بنائیں۔

وفاقی وزیر خزانہ محمد اورنگزیب کا کہنا ہے کہ حکومت نے پیٹرول سبسڈی کوعمومی سے ٹارگٹڈ نظام میں تبدیل کیا، پیٹرولیم بحران کے دوران 139 ارب روپے کی سبسڈی دی گئی۔

سینیٹر محسن عزیز کے پیٹرولیم مصنوعات کی قیمتوں میں اضافے پر توجہ مبذول کرانے کے نوٹس کے جواب میں انہوں نے کہا  کہ موٹر سائیکل سواروں اور عوامی ٹرانسپورٹ کو ترجیحی ریلیف فراہم کیا گیا،لگژری گاڑیاں رکھنے والوں کو سبسڈی دینا مناسب نہیں۔

ایک لیٹر پیٹرول کی ایکس ریفائنری قیمت 235 روپے 37 پیسے بنتی ہے، سرکاری دستاویزات

ترقیاتی فنڈز کم کرکے پیٹرولیم سبسڈی کا انتظام کیا گیا،غریب طبقے کو ریلیف دینے کیلئے ٹارگٹڈ سبسڈی متعارف کرائی گئی،موٹر سائیکل مالکان کو 3ماہ کیلئے خصوصی سبسڈی دی گئی،چھوٹے کسانوں کیلئے ڈیزل سبسڈی کو انتہائی اہم قرار دیا گیا۔

صوبوں کے تعاون سے ٹارگٹڈ سبسڈی پروگرام نافذ کیا گیا،پنجاب، سندھ، بلوچستان اور خیبرپختونخوا نے پروگرام میں حصہ لیا،8لاکھ موٹر سائیکل مالکان سبسڈی پروگرام سے مستفید ہوئے۔کسانوں کیلئے اربوں روپے کی ڈیزل سپورٹ فراہم کی گئی،حکومت نے شفافیت سے سبسڈی تقسیم کرنے کا دعویٰ کیا۔

انہوں نے مزید کہا کہ بحران ختم ہونے کے بعد بھی معاشی اثرات برقرار رہیں گے،قیادت کی کوششوں سے معاشی صورتحال بہتر ہونے کی امید ہے،عالمی بحران کے باعث معیشت کو طویل مدتی چیلنجز درپیش ہیں۔

پیٹرولیم لیوی عوام پر ظلم ہے، ختم نہ کی گئی تو ہڑتال کی کال دیں گے، حافظ نعیم الرحمان

پیٹرولیم لیوی پہلے سے ہمارے معاہدوں کا حصہ ہے،پاکستان اس وقت عالمی مالیاتی فنڈ کے پروگرام میں ہے،عالمی معاہدے میں ہونا اور اس کو پورا کرنا ضروری ہوتا ہے۔

اسلام آباد میں سینیٹ اجلاس کے دوران اظہار خیال کرتے ہوئے رانا ثنا اللہ نے کہا کہ گلگت بلتستان میں انتخابات پرامن ماحول میں منعقد ہوئے اور انتخابی عمل مجموعی طور پر شفاف اور منظم رہا۔

انہوں نے بتایا کہ جن حلقوں سے شکایات موصول ہوئی ہیں وہاں 15 جون کو ری پولنگ کرائی جائے گی تاکہ انتخابی عمل پر کسی قسم کے اعتراضات باقی نہ رہیں۔

رانا ثنااللہ نے کہا کہ آزاد کشمیر میں سرگرم عوامی ایکشن کمیٹی کا کسی سیاسی جماعت سے تعلق نہیں، تاہم حکومت نے عوامی مسائل کے حل کے لئے اس کے ساتھ مذاکرات کیے۔

انہوں نے بتایا کہ مذاکرات کے نتیجے میں آزاد کشمیر میں بجلی کی قیمت 3 روپے فی یونٹ مقرر کی گئی اور متعدد عوامی مطالبات تسلیم کیے گئے۔

معیشت مستحکم، روزگار اور برآمدات میں اضافے پر توجہ دینا ہوگی، وزیراعظم

انہوں نے ایوان کو آگاہ کیا کہ وزیراعظم شہباز شریف کی ہدایت تھی کہ جو مطالبات عوامی اور سماجی فلاح سے متعلق ہیں انہیں قبول کیا جائے۔

رانا ثنااللہ کے مطابق عوامی ایکشن کمیٹی کے 38 مطالبات میں سے 37 پر تحریری معاہدہ کیا گیا، جبکہ مہاجرین کی نشستوں کے حوالے سے پیش کیے گئے تین مطالبات بھی تسلیم کر لیے گئے۔

انہوں نے کہا کہ ایک مطالبہ یہ تھا کہ مہاجرین کی 12 مخصوص نشستیں ختم کر دی جائیں، لیکن ایسا کرنے سے آزاد کشمیر سے باہر مقیم مہاجرین کی نمائندگی متاثر ہوگی اگرمہاجرین کی نمائندگی ختم ہو گئی تو ان کی سیاسی اور جمہوری جدوجہد بھی کمزور پڑ جائے گی۔

رانا ثنااللہ نے مزید کہا کہ عوامی ایکشن کمیٹی نے جنوری میں ہی 9 جون کی کال دی تھی اور ان کا اصل مقصد انتخابات میں رکاوٹ ڈالنا تھا، ان کے بقول اگر انتخابات کامیابی سے مکمل ہو جاتے ہیں تو اس تحریک کا جواز باقی نہیں رہے گا۔

انہوں نے یہ بھی کہا کہ مختلف سیاسی جماعتوں، بشمول پی ٹی آئی نے گلگت بلتستان میں بھرپور انتخابی مہم چلائی، تاہم کسی بڑی جماعت نے انتخابی دھاندلی کے حوالے سے کوئی شکایت درج نہیں کرائی، جو انتخابی عمل پراعتماد کا مظہر ہے۔

راولپنڈی (ڈیلی پاکستان آن لائن) اڈیالہ جیل کی انتظامیہ نے بانی پاکستان تحریک انصاف (پی ٹی آئی) اور اُن کی اہلیہ بشریٰ بی بی کی ملاقات کرادی۔

جیل ذرائع کے مطابق بشریٰ بی بی اور بانی کی جیل کانفرنس روم میں ہونے والی ملاقات 45 منٹ جاری رہی۔جیل مینول کے مطابق ہونے والی ہفتہ وار ملاقات کے دوران بانی پی ٹی آئی اور بشریٰ بی بی نے ایک دوسرے کی خیریت دریافت کی۔

اسلام آباد (ڈیلی پاکستان آن لائن) پاکستان تحریک انصاف کے رہنما اسد قیصر نے دعویٰ کیا ہے پی ٹی آئی نے گلگت بلتستان الیکشن میں 20 نشستیں جیتی ہیں لیکن ان کے ساتھ ایک بار پھر 8 فروری والا معاملہ کیا گیا۔

اپنے ایک ویڈیو پیغام میں اسد قیصر نے کہا گلگت بلتستان کے عوام کا شکریہ کہ انہوں نے عمران خان کا ساتھ دیا۔ ہماری اطلاعات کے مطابق 20 تک نشستیں پی ٹی آئی جیت چکی ہے۔ ناجائز، بوگس اور مختلف حربوں اور ہتھکنڈوں کے ذریعے پی ٹی آئی کے ساتھ دوبارہ 8 فروری والا معاملہ کیا گیا۔ پی ٹی آئی کا مینڈیٹ چھینا گیا۔ عوام سے ان کا بنیادی حقِ رائے دہی چھینا گیا۔ گلگت بلتستان کے عوام کا شکریہ، آپ نے دنیا کو بتایا کہ ملک کا مقبول ترین لیڈر عمران خان ہے۔ یہ ظلم اور جبر زیادہ دیر نہیں چلے گا۔ جس طرح یہ نظام چلایا جا رہا ہے، اس طرح نہیں چلے گا۔ ملک میں حکومت نے افراتفری اور عدم استحکام پیدا کیا ہے۔ ملک میں کوئی بھی ایسا طبقہ نہیں جو متاثر نہ ہو۔ اس وقت عوام کا غصہ ایک حد تک پہنچ چکا ہے۔ تحریک انصاف اپنے عوام کی آواز بنے گی۔ گلگت بلتستان کے عوام کا مقدمہ قومی اسمبلی میں بھی لڑیں گے۔ عمران خان پورے ملک کے مقبول ترین لیڈر ہیں۔

لاہور ( ڈیلی پاکستان آن لائن ) وزیر اعلیٰ مریم نواز  کی ہدایات کے تحت پنجاب  میں سموگ کا باعث بننے والے یونٹس کے خلاف کریک ڈاؤن تیز کر دیا گیا ۔

تفصیلات کے مطابق وزیر اعلی پنجاب نے بڑے شہروں انڈسٹریل ذونز اور رہائشی علاقوں میں غیر قانونی یونٹس کے خلاف کریک ڈاون کی ہدایات جاری کر دیں اور ای پی اے کی ٹیموں کو یونین کونسلز کی سطح تک گرینڈ آپریشن کے احکات جاری کر دئیے۔

سینئر صوبائی وزیر مریم اورنگزیب نے کہا ہے کہ شہریوں کی صحت سے کھلواڑ کرنے والوں کے خلاف زیرو ٹالرنس پالیسی ہے،سموگ کا باعث بننے والی تمام  سرگرمیوں پر مکمل پابندی عائد ہےخلاف ورزی کی صورت میں سخت ایکشن لیا جائے گا۔غیر قانونی یونٹس کو فوری مسمار کر کے مقدمات درج کیے جائیں گے۔عوام الناس سے گزارش ہے کہ حکومتی اقدامات پر عملدرآمد یقینی بنائیں ۔غیر قانونی یونٹس کو رضاکارانہ طور پر بند کر دیں بصورت دیگر یونٹس کو مسمار کر دیا جائے گا۔

لاہور ( ڈیلی پاکستان آن لائن )پنجاب سول سیکرٹریٹ میں کابینہ کمیٹی برائے امن و امان کا 54 واں اجلاس ہوا۔ اجلاس میں چیئرمین کابینہ کمیٹی خواجہ سلمان رفیق، کو چیئرمین بلال یاسین، صوبائی وزراء مجتبیٰ شجاع الرحمن، بلال اکبر خان، صہیب احمد بھرتھ اور چوہدری شافع حسین نے شرکت کی۔ چیف سیکرٹری پنجاب زاہد اختر زمان نے کابینہ کمیٹی کے اجلاس میں خصوصی شرکت کی۔

سیکرٹری داخلہ پنجاب ڈاکٹر احمد جاوید قاضی نے اجلاس کو محرم الحرام کے حوالے سے تمام انتظامات اور حکومتی ہدایات کے بارے  میں تفصیلی بریفنگ دی۔ اجلاس میں محرم الحرام سے قبل صوبہ بھر کی امام بارگاہوں اور عبادت گاہوں کی سیکیورٹی اپ گریڈ کرنے سمیت سی سی ٹی وی کیمرے، واک تھرو گیٹس اور میٹل ڈیٹیکٹرز کی تنصیب یقینی بنانے کی ہدایت کی گئی۔

احتجاج کی کال، اسلام آباد پولیس کے جوانوں کو آزاد کشمیر بھیجنے کا فیصلہ

 اجلاس سے خطاب کرتے ہوئے خواجہ سلمان رفیق نے کہا کہ وزیر اعلیٰ پنجاب کی خصوصی ہدایات پر گزشتہ 2 برسوں سے محرم الحرام کے دوران زائرین کیلئے ٹھنڈے پانی، شربت کی سبیلوں اور لنگر جیسے مثالی اقدامات کیے جا رہے ہیں۔حکومت پنجاب نے محرم الحرام کیلئے غیر معمولی سیکیورٹی انتظامات مکمل کیے ہیں اور محکمہ داخلہ کی جاری کردہ سیکیورٹی ہدایات پر من و عن عملدرآمد یقینی بنایا جائے گا۔  اتحاد بین المسلمین کے فروغ کیلئے علماء کرام کے امن وفود یکم جون سے پنجاب بھر کے دورے کر رہے ہیں۔

 صوبائی وزیر و کو چیئرمین کابینہ کمیٹی بلال یاسین نے کہا کہ پنجاب بھر میں صرف لائسنس یافتہ اور روایتی جلوس و مجالس کی اجازت دی جائے گی جبکہ کابینہ کمیٹی برائے امن و امان خود مختلف اضلاع کا دورہ کرکے انتظامات کا حتمی جائزہ لے گی۔

گلگت بلتستان الیکشن ،عوام وعدوں اور نعروں کی بجائے کارکردگی کومدنظررکھتے ہوئے ووٹ دیں،چوہدری شجاعت حسین

صوبائی وزیر بلال اکبر خان نے کہا کہ امن و امان کا قیام اور عوام کے جان و مال کا تحفظ حکومت پنجاب کی اولین ترجیح ہے۔ انہوں نے انتظامیہ کو ہدایت کی کہ تحصیل کی سطح تک امن کمیٹیوں کو متحرک کیا جائے اور علماء کرام و آئمہ مساجد کے ساتھ مؤثر رابطہ برقرار رکھا جائے۔

 صوبائی وزیر صہیب احمد بھرتھ نے ہدایت کی کہ محرم الحرام سے قبل زیادہ سے زیادہ سڑکوں کی تعمیر و مرمت مکمل کی جائے تاکہ عزاداروں اور جلوسوں کو کسی بھی قسم کی پریشانی کا سامنا نہ ہو۔  تمام مکاتب فکر کے علماء کرام اتحاد بین المسلمین کیلئے مثبت کردار ادا کر رہے ہیں۔

لاہور ، واسا کی مبینہ غفلت، ایک اور بچی کھلے مین ہول میں گرگئی

صوبائی وزیر مجتبیٰ شجاع الرحمٰن نے تمام اضلاع میں قائم کنٹرول رومز کو محکمہ داخلہ کے مرکزی کنٹرول روم سے منسلک کرنے کی ہدایت دی تاکہ محرم الحرام کے دوران سیکیورٹی و مانیٹرنگ کے نظام کو مزید مؤثر بنایا جا سکے۔

 صوبائی وزیر چوہدری شافع حسین نے لاؤڈ سپیکر کے غیر قانونی استعمال کے خلاف زیرو ٹالرینس پالیسی اپنانے پر زور دیتے ہوئے قانون پر سختی سے عملدرآمد کی ہدایت کی۔ چیف سیکرٹری پنجاب زاہد اختر زمان نے ہدایت کی کہ کابینہ کمیٹی کے ضلعی دوروں سے قبل تمام انتظامات مکمل کیے جائیں۔ انہوں نے محرم الحرام کے دوران امن و امان برقرار رکھنے کیلئے ایس او پیز سے متعلق مؤثر عوامی آگاہی مہم چلانے کی ضرورت پر بھی زور دیا۔

بلاول بھٹو ننھے یوٹیوبر شیراز کے مداح نکل آئے، ملاقات کی ویڈیو وائرل

 سیکرٹری داخلہ پنجاب ڈاکٹر احمد جاوید قاضی نے کہا کہ جلوس و مجالس کے منتظمین پبلک سیفٹی ایپ کی مدد سے قانون نافذ کرنے والے اداروں سے رابطے میں رہیں جبکہ سوشل میڈیا پر نفرت انگیزی اور اشتعال انگیز مواد کی روک تھام کیلئے سائبر پٹرولنگ سیل مکمل طور پر فعال ہے۔

 اجلاس میں سیکرٹری اوقاف پنجاب ڈاکٹر احسان بھٹہ، سیکرٹری بلدیات شکیل احمد، سیکرٹری ایکسائز مسعود مختار نے بھی شرکت کی۔ آئی جی پنجاب عبدالکریم، سی سی پی او لاہور، ایڈیشنل آئی جی آپریشنز پنجاب، ایڈیشنل آئی جی سی ٹی ڈی و سپیشل برانچ نے اجلاس کو سیکیورٹی صورتحال اور انتظامات بارے بریفنگ دی۔ پنجاب بھر سے کمشنرز، آر پی اوز، ڈپٹی کمشنرز اور ڈی پی اوز نے ویڈیو لنک کے ذریعے اجلاس میں شرکت کی۔

لاہور( ڈیلی پاکستان آن لائن )وزیراعلیٰ پنجاب مریم نواز کی ہدایت پر صوبہ بھر میں کھلی کچہریوں کا سلسلہ جاری ہے۔چیئرپرسن کمپلینٹ سیل صائمہ فاروق نے گوجرانوالہ میں کھلی کچہری کی قیادت کی۔قائداعظم ڈویژنل پبلک سکول گوجرانوالہ میں کھلی کچہری کا انعقادکیاگیا۔ چیئرپرسن سی ایم کمپلینٹ سیل صائمہ فاروق،کمشنر محمد علی، آر پی او خرم شہزاد حیدر، ڈپٹی کمشنر نوید احمد دیگر افسران نے شرکت کی۔شہریوں کی شکایات براہ راست سن کر موقع پر فوری احکامات جاری کیے گئے۔اعلیٰ انتظامی و پولیس افسران کی بڑی تعداد کھلی کچہری میں شریک ہوئے۔ واسا، جی ڈبلیو ایم سی، ہائی ویز، صحت اور تعلیم کے افسران بھی موجود تھے۔

 نگر ( ڈیلی پاکستان آن لائن ) چیئرمین پاکستان پیپلز پارٹی (پی پی پی) بلاول بھٹو زرداری کی ہمشیرہ آصفہ بھٹو زرداری نے کہا ہے کہ پی پی نے عوام کا ساتھ کبھی نہیں چھوڑا، بلاول عوام کے مستقبل، تعلیم اور ترقی کی بات کرتے ہیں۔

’’جنگ ‘‘ کے مطابق نگر میں پیپلز پارٹی کے جلسے سے خطاب کرتے ہوئے آصفہ بھٹو زرداری کا کہنا تھا کہ پیپلز پارٹی ایک تحریک اور سوچ کا نام ہے۔ پی پی نے عوام کا ساتھ کبھی نہیں چھوڑا۔ بلاول بھٹو زرداری کی ترجیح عوام ہیں، بلاول بھٹو سمجھتے ہیں کہ گلگت بلتستان پاکستان کا فخر ہے۔ بلاول عوام کے مستقبل، تعلیم اور ترقی کی بات کرتے ہیں۔ بلاول چاہتے ہیں کہ یہاں کے نوجوانوں کو روزگار کے مواقع ملے۔ یہاں کے نوجوان بہترین تعلیم اور بہترین مستقبل چاہتے ہیں۔

اسلام آباد (ویب ڈیسک) حکومت نے اصولی طور پر ایک مرکزی ڈیجیٹل ٹیکس آپریٹنگ ماڈل متعارف کرانے کی منظوری دے دی ہے، جس کے تحت ٹیکس آڈٹ اور اسیسمنٹ کے تمام معاملات اسلام آباد میں قائم “فیس لیس” (بغیر براہِ راست شناخت کے) یونٹس کے ذریعے انجام دیے جائیں گے، تاکہ افسران کے صوابدیدی اختیارات اور ٹیکس دہندگان سے براہِ راست رابطے کو کم کیا جا سکے۔

انگریزی جریدے ڈان میں شائع مبارک زیب خان کی رپورٹ کے مطابق وزیراعظم شہباز شریف نے جمعرات کے روز پاکستان کے نئے ٹیکس آپریٹنگ ماڈل کی منظوری دی اور اس اصلاحاتی منصوبے کو تیار کرنے والے ٹیکس حکام کی تعریف کی۔ یہ ماڈل رواں سال اکتوبر سے تین مراحل میں نافذ کیا جائے گا۔

لاہور ، واسا کی مبینہ غفلت، ایک اور بچی کھلے مین ہول میں گرگئی

یہ مرکزی اور “فیس لیس” ٹیکس نظام برطانیہ، آسٹریلیا، نیدرلینڈز، سنگاپور اور بھارت جیسے ممالک کے نظام سے ملتا جلتا ہے، جس کا مقصد ٹیکس حکام اور ٹیکس دہندگان کے درمیان براہِ راست ملاقات ختم کر کے بدعنوانی کے امکانات کو کم کرنا ہے۔

اس نظام کے تحت ریونیو ریکوری، پراسیکیوشن، ٹیکس دہندگان کی رجسٹریشن، فیلڈ ویریفکیشن اور ٹیکس نیٹ کو بڑھانے جیسے امور انجام دیے جائیں گے، تاہم اس کے پاس ٹیکس اسیسمنٹ یا ٹیکس ڈیمانڈ کو تبدیل کرنے کا اختیار نہیں ہوگا۔

فیلڈ افسران اب ڈیٹا ویریفکیشن، معلومات کی جانچ، ٹیکس دہندگان کی سہولت اور رجسٹریشن پر توجہ دیں گے۔ ابتدائی دو وِنگز کے لیے حکومت تقریباً 200 افسران کو میرٹ کی بنیاد پر تعینات کرے گی، جنہیں مارکیٹ بیسڈ تنخواہیں اور جدید نگرانی کے نظام کے تحت جوابدہ بنایا جائے گا۔

بلاول بھٹو ننھے یوٹیوبر شیراز کے مداح نکل آئے، ملاقات کی ویڈیو وائرل

یہ اصلاحات ٹیکس چوری کو روکنے اور دیانتدار ٹیکس دہندگان کے لیے عمل کو آسان بنانے میں مدد دیں گی۔ اس نظام کے تحت تمام تعاملات مکمل طور پر ڈیجیٹل ہوں گے اور ہر کارروائی آن لائن پورٹل پر ریکارڈ کی جائے گی، جس سے براہِ راست انسانی رابطہ ختم ہو جائے گا۔

ٹیکس فائلنگ کو آسان بنانے کے لیے شہریوں کو پہلے سے بھری ہوئی ریٹرنز فراہم کی جائیں گی، جو مرکزی ڈیٹا ہب سے خودکار طور پر آمدن، بینکنگ، جائیداد اور گاڑیوں کا ڈیٹا حاصل کریں گی۔ ایک واحد مربوط ٹیکس اکاؤنٹ کے ذریعے انکم ٹیکس، سیلز ٹیکس اور فیڈرل ایکسائز ڈیوٹی کو ایک ہی نظام میں دیکھا جا سکے گا۔

لاہور: بیوی کا جہیز میں ملی گاڑی بیچنے پر شوہر پر مقدمہ، عدالت سے ضمانت مل گئی

نیا نظام وقت کی پابندی کے ساتھ شفاف پراسیسنگ اور خودکار اپ ڈیٹ کے ذریعے ٹیکس دہندگان کو یقینی وقت فراہم کرے گا۔ فیڈرل بورڈ آف ریونیو کو یہ اختیار بھی حاصل ہوگا کہ وہ اپیلوں کے نظام کو مرحلہ وار “فیس لیس” ماڈل میں منتقل کرے۔