رحیم یار خان نواحی علاقے دڑی سانگھی میں سفاک شوہر نے اپنی بیوی صائمہ بی بی کو ذبح کر کے قتل کر دیا جبکہ قاتل شویر ارشاد سانگھی بھی پولیس مقابلے میں مارا گیا۔
ترجمان پولیس کے مطابق ملزم ارشاد نے اپنی بیوی صائمہ کو گزشتہ رات خنجر کے وار سے قتل کر دیا تھا۔ملزم کی گرفتاری کے لیے علاقے میں سرچ آپریشن کر رہی تھی کہ تھانہ سٹی سی ڈویژن پولیس نے ناکہ پر مشکوک موٹر سائیکل سواروں کو روکنے کی کوشش، جس پر مسلح ملزمان نے ناکہ توڑ کر فرار ہوتے ہوئے پولیس پارٹی پر فائرنگ کر دی۔
ایس ایچ او سی ڈویژن یونس عباسی کے مطابق فائرنگ کے تبادلے کے دوران بیوی کو قتل کرنے والا سفاک قاتل ارشاد سانگھی مارا گیا، فرار ہونے والے ملزمان کی گرفتاری کے لیے علاقے میں تاحال سرچ آپریشن جاری ہے۔مقتولہ اور قاتل ملزم کی لاش پوسٹ مارٹم کے بعد ورثاء کے حوالے کی جائے گی۔