Category: تعلیم

 (بابر شہزاد ترک)ایم ڈی کیٹ 2026 کیلئے ایک لاکھ 38 ہزار طلبہ نے رجسٹریشن کروا لی۔
 ذرائع کے مطابق  میڈیکل اینڈ ڈینٹل کالجز میں داخلے کیلئے ایم ڈی کیٹ ٹیسٹ اتوار 16 اگست کو صبح 10 بجے ملک بھر میں بیک وقت ہو گا۔
پنجاب میں ٹیسٹ کے انعقاد کی ذمہ داری یونیورسٹی آف ہیلتھ سائنسز لاہور کو تفویض کی گئی ہے ، سندھ میں سکھر آئی بی اے، خیبر پختونخوا میں خیبر میڈیکل یونیورسٹی اوربلوچستان میں بولان یونیورسٹی آف میڈیکل اینڈ ہیلتھ سائنسز کوئٹہ کے سپردکی گئی ہے۔
اسلام آباد، کشمیر، جی بی میںٹیسٹ کے انعقادکی ذمہ داری  شہید ذوالفقار علی بھٹو میڈیکل یونیورسٹی اسلام آباد کے سپردکی گئی ہے جبکہ ریاض (سعودیہ)میں یہ  ذمہ داری بھی شہید ذوالفقار علی بھٹو میڈیکل یونیورسٹی اسلام آبادکو تفویض کی گئی ہے۔
پی ایم ڈی سی کے مطابق بلوچستان کے طلبہ کیلئے اسلام آباد میں بھی ایم ڈی کیٹ ٹیسٹ سینٹر قائم کیا جائے گا،بولان یونیورسٹی آف میڈیکل سائنسز اسلام آباد میں اضافی ٹیسٹ سینٹر قائم کرے گی،اضافی امتحانی مرکز سے بلوچستان ڈومیسائل کے حامل امیدوار مستفید ہوں گے۔

پی ایم ڈی سی کے مطابق ریگولر فیس کے ساتھ ایم ڈی کیٹ رجسٹریشن 13 جولائی تک جاری رہی جبکہ لیٹ فیس کے ساتھ ایم ڈی کیٹ رجسٹریشن کی آخری تاریخ 18 جولائی ہے.

(سٹی42)ہائر ایجوکیشن کمیشن نے کامن ویلتھ اور چینی اسکالرشپس کے لیے اہم اعلان کردیا۔

ایم ایس، ایم فل اور پی ایچ ڈی اسکالرشپس کے لیے اسپیشل ہیٹ ٹیسٹ کا فیصلہ کیاگیاہے جس کے لیے آن لائن رجسٹریشن کا آغاز اتوار 19 جولائی سے ہوگا۔

اسکالرشپ ٹیسٹ کے لیے رجسٹریشن کی آخری تاریخ 3 اگست 2026 مقررکی گئی ہے،ایچ ای سی کے تحت ہونےو الا اسپیشل ہیٹ ٹیسٹ اتوار 30 اگست 2026 کو منعقد کیا جائے گا۔

ایچ ای سی کی جانب سے کہاگیاہے کہ خواہش مند امیدوار رجسٹریشن کے لیے ایچ ای سی کے پورٹل پر لاگ ان کریں،کامن ویلتھ اور چائنیز گورنمنٹ اسکالرشپ کے خواہشمندوں کے لیےیہ ٹیسٹ لازمی قراردیاگیاہے۔ایچ ای سی ایجوکیشن ٹیسٹنگ کونسل کے ذریعے اسپیشل ٹیسٹ کا انعقاد کرے گی۔

جنید ریاض:پنجاب ایجوکیشن، کریکولم، ٹریننگ اینڈ اسیسمنٹ اتھارٹی (پیکٹا) کے قیام کے ڈیڑھ سال گزرنے کے باوجود مختلف ضم شدہ اداروں کے سینکڑوں ملازمین کے انتظامی اور مالی مسائل تاحال حل نہ ہو سکے۔

ذرائع کے مطابق پنجاب ایگزامینیشن کمیشن (PEC) اور قائد اکیڈمی کے ملازمین کا کیڈر اب تک تبدیل نہیں کیا جا سکا، جبکہ پی سی ٹی بی، پیک اور قائد اکیڈمی کے ملازمین کے سروس اسٹرکچر کا فیصلہ بھی تاحال نہیں ہو سکا۔

ملازمین کا کہنا ہے کہ کیڈر کی تبدیلی سے تنخواہوں میں اضافہ ہوگا، تاہم تاخیر کے باعث پیک اور قائد اکیڈمی کے ملازمین کی تنخواہیں اب بھی پی سی ٹی بی کے ملازمین سے کم ہیں۔

مزید برآں، پی سی ٹی بی کے 250 سے زائد ریٹائرڈ ملازمین کو پینشن میں 5 فیصد اضافے اور حاضر سروس ملازمین کو 10 فیصد سالانہ انکریمنٹ بھی ڈیڑھ سال گزرنے کے باوجود نہیں مل سکا۔

ملازمین کا مؤقف ہے کہ پیکٹا میں انضمام کے باوجود انہیں اتھارٹی کا باقاعدہ ملازم تسلیم نہیں کیا جا رہا، لہٰذا قانون سازی کے ذریعے سروس اسٹرکچر اور کیڈر کی تبدیلی کا عمل فوری مکمل کیا جائے۔

دوسری جانب پیکٹا حکام کا کہنا ہے کہ سروس اسٹرکچر اور کیڈر کی تبدیلی پر کام تیزی سے جاری ہے اور معاملات جلد مکمل کر لیے جائیں گے۔

جنید ریاض:پنجاب ایجوکیشن فاؤنڈیشن (پیف) کے پارٹنر سکولوں کے لیے فی طالب علم مالی معاونت میں اضافے کا فیصلہ کیا گیا ہے، جس کے لیے سمری حکومت پنجاب کو ارسال کر دی گئی ہے۔

پیف حکام کے مطابق پارٹنر سکولوں کو دی جانے والی فی طالب علم مالی معاونت بڑھانے کی تجویز دی گئی ہے، جس کے تحت کم از کم فی طالب علم فنڈ 2 ہزار روپے مقرر کرنے جبکہ زیادہ سے زیادہ فنڈ 2 ہزار 900 روپے تک بڑھانے کی سفارش کی گئی ہے۔

حکام کا کہنا ہے کہ فنڈز میں اضافے سے پیف کے پارٹنر سکولوں کے مالی وسائل بہتر ہوں گے اور تعلیمی معیار میں بہتری لانے میں مدد ملے گی۔

پیف حکام کے مطابق فنڈز میں اضافے کے بعد پارٹنر سکولوں میں اساتذہ کی تنخواہوں میں بھی اضافہ کیا جائے گا۔ تمام پارٹنر سکولوں کو اساتذہ کی تنخواہیں بڑھانے کا پابند بنایا جائے گا۔

حکام نے بتایا کہ فنڈز میں اضافے کی منظوری کے بعد نئی شرح کے مطابق مالی معاونت کا اطلاق کر دیا جائے گا۔

جنید ریاض: امتحانی ڈیوٹیاں انجام دینے والے لاہور بھر کے ہزاروں اساتذہ کے لیے بڑی خوشخبری سامنے آگئی۔

حکام کے مطابق لاہور بورڈ نے امتحانی عملے کے معاوضوں میں 50 فیصد اضافے کا اعلان کر دیا،نئے فیصلے کے تحت سپرنٹنڈنٹ کا یومیہ معاوضہ ایک ہزار 560 روپے سے بڑھا کر 2 ہزار 340 روپے، ڈپٹی سپرنٹنڈنٹ کا ایک ہزار 260 سے بڑھا کر ایک ہزار 800 روپے جبکہ نگران عملے کا معاوضہ ایک ہزار سے بڑھا کر ایک ہزار 500 روپے کر دیا گیا ہے۔

ریلوے لینڈ ڈیپارٹمنٹ میں مبینہ بے ضابطگیوں کا انکشاف
اسی طرح موبائل انسپکٹر کا معاوضہ ایک ہزار 80 سے بڑھا کر ایک ہزار 620 روپے، ڈسٹری بیوٹر انسپکٹر کا ایک ہزار 200 سے بڑھا کر ایک ہزار 800 روپے اور پریکٹیکل ایگزمینر کا معاوضہ ایک ہزار 540 سے بڑھا کر 2 ہزار 310 روپے مقرر کر دیا گیا ہے۔

کنٹرولر امتحانات توصیف الرحمان کا کہنا ہے کہ معاوضوں میں اضافہ اساتذہ کی محنت، دیانت اور امتحانی عمل میں ان کی خدمات کے اعتراف کا مظہر ہے۔

جنید ریاض: وحدت کالونی کے دو سرکاری سکول ایچی سن کالج طرز کے تعلیمی اداروں میں تبدیل کیے جائیں گے۔

پنجاب حکومت نے لاہور کی وحدت کالونی میں قائم گورنمنٹ پائلٹ بوائز ہائی سکول اور گورنمنٹ کمپری ہینسیو گرلز ہائی سکول وحدت روڈ کو ایچی سن کالج کے معیار کے مطابق جدید تعلیمی اداروں میں تبدیل کرنے کا فیصلہ کیا ہے۔

پنجاب میں چینی شہریوں کی سکیورٹی مزید سخت، سیف سٹیز کا پینک بٹن منصوبہ توسیع دینے کا فیصلہ
منصوبے کے تحت ان اداروں کا نام “مریم نواز سینٹر آف اکیڈمک لیڈر شپ” رکھا جائے گا، جہاں جدید تعلیمی سہولیات کے ساتھ کھیلوں کے عالمی معیار کے مواقع بھی فراہم کیے جائیں گے۔

منصوبے میں سٹیٹ آف دی آرٹ ہاکی اور کرکٹ اسٹیڈیم، طلبہ و طالبات کے لیے سوئمنگ پول اور گھڑ سواری کی سہولیات بھی شامل ہوں گی۔ حکام کے مطابق دونوں اداروں میں مجموعی طور پر 10 ہزار طلبہ و طالبات کو داخلے کی سہولت میسر ہوگی، جبکہ منصوبے پر 2 ارب روپے سے زائد لاگت آئے گی۔

احسن عباسی :محکمہ سکول ایجوکیشن سندھ نے نجی سکولوں میں یومِ آزادی کی تقریبات کا اعلان کر دیا، یکم اگست سے 14 اگست 2026 تک مختلف تقریبات منعقد کی جائیں گی۔

نجی سکولوں میں پوسٹر، آرٹ، پینٹنگ، تقریری مقابلے اور ثقافتی پروگرامز کا انعقاد ہوگا،یومِ آزادی کے موقع پر شجرکاری مہم، پرچم کشائی، پریڈ اور ریلیاں بھی منعقد کی جائیں گی۔

محکمہ تعلیم سندھ نے نجی سکولوں کو طلبہ اور اساتذہ کی بھرپور شرکت یقینی بنانے کی ہدایت کی ہے، تقریبات کی تفصیلات، تصاویر، ویڈیوز اور رپورٹ متعلقہ فوکل پرسن کو ارسال کرنے کا بھی کہا گیا ہے۔

پنجاب میں چینی شہریوں کی سکیورٹی مزید سخت، سیف سٹیز کا پینک بٹن منصوبہ توسیع دینے کا فیصلہ
ڈپٹی ڈائریکٹر نصراللہ حمزہ کو یومِ آزادی تقریبات کے لیے فوکل پرسن مقرر کر دیا گیا ہے، جبکہ سندھ بھر کے نجی سکولوں کو آزادی کی تقریبات شایانِ شان انداز میں منانے کی ہدایت جاری کی گئی ہے۔

دوسری طرف محکمہ سکول ایجوکیشن سندھ نے نجی تعلیمی اداروں میں تعلیمی معیار بہتر بنانے کے لیے نئے اقدامات کا حکم بھی جاری کر دیا۔

تمام نجی سکول سالانہ شواہد پر مبنی ٹیچر پرفارمنس ایویلیوایشن سسٹم نافذ کرنے کے پابند ہوں گے۔

مون سون تیاریوں کا جائزہ اجلاس، سی اینڈ ڈبلیو فیلڈ فارمیشنز کو ہائی الرٹ رہنے کی ہدایت
اساتذہ کی کارکردگی کا جائزہ تعلیمی قابلیت، تدریسی مہارت، کلاس روم مینجمنٹ اور طلبہ کے نتائج کی بنیاد پر لیا جائے گا۔

نجی سکول صرف مطلوبہ تعلیمی قابلیت اور تدریسی تجربہ رکھنے والے اساتذہ کی تقرری یقینی بنائیں گے۔

طلبہ کی تعلیمی پیشرفت کا باقاعدگی سے ریکارڈ رکھا جائے گا اور والدین کو بچوں کی کارکردگی سے مسلسل آگاہ کیا جائے گا۔

سکول انتظامیہ کو تعلیمی سرگرمیوں کی نگرانی اور تعلیمی معیار برقرار رکھنے کا ذمہ دار قرار دیا گیا ہے۔

مولانا فضل الرحمان نے پوری قوم کا دل دکھایا : وزیر ریلوے حنیف عباسی
محکمہ تعلیم کے مطابق بعض نجی اداروں میں طلبہ کے امتحانی نتائج غیر تسلی بخش ہونے پر اقدامات ناگزیر ہیں، لہٰذا تمام نجی تعلیمی اداروں کو ہدایات پر بلا استثنا عملدرآمد یقینی بنانے کی ہدایت جاری کر دی گئی ہے۔

حسن علی: لاہور میں یونیورسٹی آف ہیلتھ سائنسز (یو ایچ ایس) نے پنجاب کے سرکاری شعبے کی جدید ترین کلینیکل لیبارٹری کا افتتاح کر دیا۔

افتتاح وزیر سپیشلائزڈ ہیلتھ خواجہ سلمان رفیق نے کیا، جبکہ تقریب میں وائس چانسلر پروفیسر احسن وحید راٹھور، پروفیسر ڈاکٹر زاہد پرویز، پروفیسر ڈاکٹر فرید الزکریا، ڈاکٹر عائشہ شوکت اور دیگر شخصیات نے شرکت کی۔

پنجاب میں چینی شہریوں کی سکیورٹی مزید سخت، سیف سٹیز کا پینک بٹن منصوبہ توسیع دینے کا فیصلہ
وزیر سپیشلائزڈ ہیلتھ خواجہ سلمان رفیق نے کہا کہ نئی لیبارٹری میں 178 سے زائد جدید تشخیصی ٹیسٹ مناسب نرخوں پر دستیاب ہوں گے، جن میں کینسر، جینیاتی اور دیگر خصوصی ٹیسٹ بھی شامل ہیں۔ ان کا کہنا تھا کہ اس اقدام سے ہسپتالوں اور عوام کو ایک ہی چھت تلے عالمی معیار کی تشخیصی سہولیات میسر آئیں گی۔

مون سون تیاریوں کا جائزہ اجلاس، سی اینڈ ڈبلیو فیلڈ فارمیشنز کو ہائی الرٹ رہنے کی ہدایت
انہوں نے کہا کہ یو ایچ ایس کی کلینیکل لیبارٹری طبی تحقیق کے فروغ کے ساتھ مریضوں کے علاج میں بھی اہم کردار ادا کرے گی، جبکہ پوسٹ گریجویٹ طلبہ کو تحقیق کے لیے کلینیکل نمونے بھی یونیورسٹی میں ہی دستیاب ہوں گے۔ چھ جدید شعبہ جاتی لیبارٹریوں کی معاونت سے تشخیصی خدمات کا باقاعدہ آغاز کر دیا گیا ہے۔

مولانا فضل الرحمان نے پوری قوم کا دل دکھایا : وزیر ریلوے حنیف عباسی
خواجہ سلمان رفیق نے مزید کہا کہ لاہور سمیت پنجاب بھر میں نئے ہسپتالوں کا جلد افتتاح کیا جائے گا۔ اس موقع پر وائس چانسلر پروفیسر احسن وحید راٹھور نے کہا کہ یو ایچ ایس نے تعلیم، تحقیق اور مریضوں کی خدمات کو ایک ہی پلیٹ فارم پر یکجا کر دیا ہے، جبکہ نئی کلینیکل لیبارٹری عوام کو معیاری اور کم لاگت تشخیصی ٹیسٹ فراہم کرے گی۔

کراچی، ثانوی تعلیمی بورڈ کراچی (میٹرک بورڈ) نے دسویں جماعت سائنس گروپ کے سالانہ امتحانات 2026ء کے نتائج کا اعلان کر دیا ہے۔

نتائج کے مطابق مجموعی کامیابی کا تناسب 80.87 فیصد رہا، جبکہ ہزاروں طلبہ نے نمایاں گریڈز حاصل کیے۔

بورڈ کی جانب سے جاری اعداد و شمار کے مطابق امتحانات کے لیے ایک لاکھ 76 ہزار 152 طلبہ رجسٹرڈ ہوئے، جن میں سے ایک لاکھ 75 ہزار 200 امیدوار امتحانات میں شریک ہوئے ان میں ایک لاکھ 41 ہزار 688 طلبہ کامیاب قرار پائے، جبکہ 29 ہزار 655 طلبہ مطلوبہ کامیابی حاصل نہ کر سکے۔

نتائج کے مطابق 35 ہزار 529 طلبہ نے اے ون گریڈ، 51 ہزار 22 نے اے گریڈ، 34 ہزار 910 نے بی گریڈ جبکہ 17 ہزار 153 طلبہ نے سی گریڈ حاصل کیا، جو مجموعی طور پر بہتر تعلیمی کارکردگی کی عکاسی کرتا ہے۔

سالانہ امتحانات میں محمد اذلان ولد معراج احمد نے 1040 نمبر حاصل کرکے پہلی پوزیشن اپنے نام کی۔ رجا کامران بنت کامران نے 1034 نمبروں کے ساتھ دوسری جبکہ عائشہ عدنان بنت عدنان سلیم نے 1033 نمبر حاصل کرکے تیسری پوزیشن حاصل کی۔

میٹرک بورڈ حکام نے پوزیشن ہولڈرز اور کامیاب طلبہ کو مبارکباد دیتے ہوئے کہا کہ نمایاں کامیابی حاصل کرنے والے طلبہ نے سخت محنت اور لگن سے یہ مقام حاصل کیا ہے۔

بورڈ کے مطابق طلبہ اپنے تفصیلی نتائج بورڈ کی ویب سائٹ اور متعلقہ مراکز سے بھی حاصل کر سکتے ہیں، نتائج کے اعلان کے بعد کامیاب طلبہ اور ان کے اہل خانہ میں خوشی کی لہر دوڑ گئی جبکہ پوزیشن ہولڈرز کو تعلیمی حلقوں کی جانب سے مبارکباد کا سلسلہ جاری ہے۔

کراچی میٹرک بورڈ کے رواں سال کے نتائج میں اے ون گریڈ حاصل کرنے والے طلبہ کی تعداد میں نمایاں اضافہ ریکارڈ کیا گیا ہے، اعداد و شمار کے مطابق 2026ء میں 35 ہزار 529 طلبہ نے اے ون گریڈ حاصل کیا، جو گزشتہ سال کے مقابلے میں تقریباً 5 ہزار زیادہ ہیں۔

2025ء میں ایک لاکھ 72 ہزار 391 امیدوار امتحان میں شریک ہوئے تھے، جن میں 30 ہزار 154 طلبہ اے ون گریڈ لینے میں کامیاب رہے۔

اسی طرح 2024ء میں ایک لاکھ 63 ہزار امیدواروں میں سے 23 ہزار 943 طلبہ نے اے ون گریڈ حاصل کیا تھا۔

سپریم کورٹ نے تعلیمی اداروں میں ہراسیت کیخلاف مؤثر نظام اور قانون پر مکمل عملدرآمد یقینی بنانے کا حکم دے دیا۔

سپریم کورٹ کے جسٹس محمد علی مظہر کے 12 صفحات پر مشتمل تحریری حکمنامے میں کہا گیا ہے کہ تعلیمی ادارہ صرف درسگاہ نہیں بلکہ محفوظ ماحول بھی ہونا چاہئے ۔

عدالت نے کہا کہ تعلیمی اداروں میں خواتین کی عزت، خودمختاری اور تحفظ یقینی بنایا جانا چاہیے۔

تحریری فیصلے میں کہا گیا ہے کہ خواتین کی عزت، تحفظ اور خودمختاری ہر تعلیمی ادارے کی بنیادی ذمہ داری ہے، ہراسیت کو برداشت کرنا تعلیمی مشن، قانون اور انسانی وقار کے منافی ہے۔ ادارے کے سربراہ کی اولین ذمہ داری محفوظ اور صحت مند تعلیمی ماحول کو یقینی بنانا ہے۔

عدالت نے مزید کہا کہ کام کی جگہ پر ہراسانی کسی صورت قابلِ قبول نہیں، پیشہ ورانہ طرزِ عمل ہی معیار ہونا چاہیے، اداروں میں ہراسانی کے خلاف واضح پالیسی اور مؤثر شکایتی نظام کا قیام ناگزیر ہے۔

سپریم کورٹ نے کہا کہ الزامات میں غیر ضروری نرمی مستقبل میں ایسے طرزِ عمل کی حوصلہ افزائی کے مترادف ہو سکتی ہے، سرکاری و نجی تعلیمی اداروں میں ہراسانی کے خلاف ضابطہ اخلاق پر مؤثر عملدرآمد یقینی بنایا جائے۔

فیصلے میں کہا گیا کہ ہر تعلیمی ادارے میں قانون کے مطابق ان ہاؤس انکوائری کمیٹی کا قیام لازمی بنایا جائے، خواتین اساتذہ کو شکایت کے فوری اور براہِ راست ازالے کے مؤثر مواقع فراہم کیے جائیں۔

فیصلہ فیصل آباد کے ایک اسپیشل ایجوکیشن سینٹر کی سابق ہیڈمسٹریس کی اپیل پرجاری کیا گیا، جس میں ہراسیت کی شکایات پر مؤثر کارروائی نہ کرنے کے معاملےکا بھی جائزہ لیا گیا۔