ریاض(5 اگست 2026): آسمان پر ایک انوکھا منظر سامنے آیا ہے جہاں سعودیہ ایئر اور فلائی ناس کے طیارے انتہائی کم فاصلے پر ساتھ ساتھ اڑ گئے۔
ریاض، جدہ اور الخبر کی فضاؤں میں ہوا بازی کی تاریخ کا ایک شاندار اور حیرت انگیز منظر دیکھنے میں آیا ہے جہاں دو دیوہیکل مسافر طیارے صرف ڈھائی سو فٹ کے فاصلے پر بالکل ساتھ ساتھ پرواز کرتے دکھائی دیے۔
سعودیہ ایئر اور فلائی ناس کے طیاروں کی جانب سے پیش کیے جانے والے اس فضائی مظاہرے نے دیکھنے والوں کو دنگ کر دیا۔
بوئنگ ٹرپل سیون اور ایئربس اے 320 کے پائلٹس نے کمال مہارت اور پیشہ ورانہ صلاحیت کا مظاہرہ کرتے ہوئے کئی ٹن وزنی طیاروں کو ایک ہی رفتار اور ایک ہی راستے پر محض دو سو پچاس فٹ یعنی تقریباً چھہتر میٹر کے فاصلے پر کامیابی سے اڑایا۔
اس منفرد اور سنسنی خیز فضائی منظر کو کاک پٹ سے ویڈیو کی شکل میں بھی محفوظ کیا گیا، جس میں دونوں طیاروں کے پائلٹس کی شاندار ہم آہنگی، درستگی اور تکنیکی مہارت کو واضح طور پر دیکھا جا سکتا ہے۔
اس حیرت انگیز فضائی فارمیشن نے زمین پر موجود اور سوشل میڈیا صارفین کی توجہ بھی خوب سمیٹی ہے۔